پنجاب میں سکو ل کی چھٹیوں میں مزید اضافے کی سفارشات

تفصیلات کے مطابق وزیر اعلیٰ پنجاب محسن نقوی نے میڈیا سے گفتگو کرتے ہوئے کہا کہ محکمہ تعلیم کی سفارشات کی بنیاد پر اسکولوں میں موسمِ سرما کی تعطیلات میں توسیع کی جائے گی، موجودہ سرما کی تعطیلات 9 جنوری 2024ء تک ہیں۔

انہوں نے کہا کہ محکمہ تعلیم کی جانب سے چھٹیوں میں توسیع کی سفارشات پر سرما کی تعطیلات میں اضافہ کیا جائے گا۔

ان کا کہنا تھا کہ راولپنڈی اور اسلام آباد میں دھند نہیں ہوتی تھی لیکن اب وہاں بھی دھند برقرار ہے، دھند کے باعث کم حد نگاہ کی وجہ سے فیصل آباد، سیالکوٹ اور لاہور ایئرپورٹس بھی اکثر بند ہوجاتے ہیں۔

انہوں نے مزید کہا کہ اگر بیماریوں میں اضافہ ہوا تو ہو سکتا ہے کہ پنجاب میں چھٹیوں کو مزید بڑھایا جا سکتا ہے ۔