مولانا فضل الرحمان کی افغانستان کے نائب وزیراعظم سے ملاقات

جے یو آئی کے سربراہ مولانا فضل الرحمان کی افغانستان کے نائب وزیراعظم سمیت اہم رہنماؤں سے ملاقاتیں جاری ہیں۔

امیر جے یو آئی ایف مولانا فضل الرحمان اپنے وفد کے ہمراہ کابل پہنچ گئے، جہاں طالبان حکومت کی جانب سے ان کا پرتپاک استقبال کیا گیا۔

ترجمان افغان حکومت ذبیح اللہ مجاہد کا کہنا ہے کہ ہم نے مولانا فضل الرحمان کو دعوت دی تھی، جس پر وہ کابل آئے۔

رپورٹ کے مطابق مولانا فضل الرحمان نے امارت اسلامیہ افغانستان کے نائب وزیراعظم مولوی عبدالکبیر سے ملاقات کی، جس میں پاک افغان تعلقات اور اہم دو طرفہ امور پر تبادلہ خیال کیا گیا۔

افغان وزیر خارجہ امیر خان متقی کا کہنا تھا کہ پاکستان کی دینی سیاسی جماعت کے سربراہ کا دورہ افغانستان دونوں ملکوں کے عوام کے لیے فائدہ مند ثابت ہو گا۔