مخالفین سن لیں میدان خالی نہیں ملے گا، بیرسٹر گوہر

سابق چیئرمین پی ٹی آئی بیرسٹر گوہر کا کہنا ہے کہ مخالفین سن لیں میدان خالی نہیں ملے گا، عوام کے سمندر کو کوئی نہیں روک سکے گا۔

اڈیالہ جیل کے باہر میڈیا سے بات کرتے ہوئے بیرسٹر گوہر علی خان کا کہنا تھا کہ آج بانی پی ٹی آئی سے میٹنگ تھی، اڑھائی گھنٹے انتظار کروایا گیا مگر ملاقات نہیں ہوسکی، اور کہا گیا کل یا پرسوں ملاقات کروا دی جائے گی۔

ایک پیغام مخالفین کھل کر سُن لیں، چاہے انڈر 19 کی ٹیم بھی لڑانی پڑی، آپ کو کوئی حلقہ خالی نہیں ملے گا، ہر جگہ ہمارےامیدوار ہوں گے اور جیت ہماری ہوگی۔۔۔ @BarristerGohar pic.twitter.com/bfzI4gfNtp

— PTI (@PTIofficial) January 8, 2024

بیرسٹر گوہر کا کہنا تھا کہ بانی پی ٹی آئی سے ٹکٹ کی وجہ سے ملاقات ضروری ہے، امید کرتا ہوں کل ملاقات کی اجازت مل جائے گی، ہر پاکستانی کا حق ہے کہ وہ الیکشن کے پراسس میں شامل ہو، ہم پرامید ہیں کہ عدلیہ کوئی اقدامات کرے گی۔ ایک طرف انتخابی نشان لینے کی کوشش کی گئی اور دوسری طرف امیدواروں کے چنائو میں رکاوٹ کھڑی کی جا رہی ہے۔

انہوں نے کہا کہ مخالفین کھل کر سُن لیں، چاہے انڈر 19 کی ٹیم بھی لڑانی پڑی، آپ کو کوئی حلقہ خالی نہیں ملے گا، ہر جگہ ہمارےامیدوار ہوں گے اور جیت ہماری ہوگی، پی ٹی آئی الیکشن جیتے گی، عوام کے سمندر کو کوئی نہیں روک سکے گا، ہر بندہ اپنے ووٹ پر پہرہ دے گا۔ گزشتہ رات انٹرنیٹ ڈاون کیا گیا مگر لوگوں نے تعاون کیا ہے۔

انہوں نے مزید کہا کہ عوام کے سمندر کو کوئی نہیں روک سکے گا، یہ 20-19 کا فرق نہیں ہو گا، پی ٹی آئی کا ہر ووٹر اور سپورٹر الیکشن والے دن باہر نکلے گا اور اپنے ووٹ پر پہرہ دے گا،دھاندلی کی کوشش ہو گی، گزشتہ روز بھی انٹر نیٹ کی سروس کو روک دیا گیا تھا  لیکن پھر بھی لوگوں نے بھرپور طریقے سے شرکٹ کی۔