وزیراعظم کی حسینہ واجد کو بنگلہ دیش کی دوبارہ وزیراعظم منتخب ہونے پر مبارکباد

نگران وزیراعظم انوارالحق کاکڑ نے شیخ حسینہ واجد کو بنگلہ دیش کی دوبارہ وزیراعظم منتخب ہونے پر مبارکباد دی ہے۔

پیر کو سوشل میڈیا ایکس پر اپنی پوسٹ میں انہوں نے لکھا کہ وہ شیخ حسینہ کی ان کے عہدے پر کامیابی کے خواہاں ہیں اور ان کی قیادت میں پاکستان اور بنگلہ دیش کے درمیان تعاون بڑھانے کے منتظر ہیں۔

یاد رہے کہ حزب اختلاف اپوزیشن کی سب سے بڑی جماعت بنگلہ دیش نیشنلسٹ پارٹی کی جانب سے اِن انتخابات  2024 کا بائیکاٹ کردیا گیا تھا  اور اب یہ توقع کی جا رہی ہے کہ باقی رہ جانے والی نشستوں پر بھی عوامی لیگ اور ان کی اتحادی جماعتیں ہی کامیاب قرار پائیں گی۔