بلاول بھٹو کی لطیف کھوسہ پر نعرے بازی

اسلام آباد : بلاول بھٹو زرداری کی سپریم کورٹ کے گیٹ پر پیپلزپارٹی کے سابق رہنما لطیف کھوسہ سے اچانک ملاقات ہوئی۔

پاکستان پیپلزپارٹی کے چیئرمین بلاول بھٹو زرداری سابق وزیراعظم ذوالفقار علی بھٹو کے عدالتی قتل سے متعلق صدارتی ریفرنس کی سماعت کے لیے سپریم کورٹ پہنچے،  اس دوران ان کی اپنے پرانے ساتھی اور حال ہی میں پی ٹی آئی میں شمولیت اختیار کرنے والے لطیف کھوسہ سے ملاقات ہوئی۔

بلاول بھٹو زرداری نے لطیف کھوسہ کو دیکھتے ہی آواز لگائی ’دیکھو دیکھو مجھے کون نظر آیا‘ اور پھر گرمجوشی سے پی ٹی آئی کے وکیل سے گلے ملے۔ چیئرمین پیپلزپارٹی اور پی ٹی آئی رہنما نے مختصراً ایک دوسرے سے خیریت دریافت کی ۔