سونے کی قیمیت میں حیران کن اضافہ

تفصیلات کے مطابق انٹرنیشنل مارکیٹ میں کاروباری ہفتے کے پانچویں یعنی جمعے کے روز سونے کی فی اونس قیمت میں 14 ڈالرز کا اضافہ ریکارڈ کیا گیا۔حالیہ اضافے کے بعد سونے کی قیمت 1878 ڈالر  فی اونس پر پہنچ گئی۔

انٹرنیشنل مارکیٹ میں ہونے والے اضافے کے منفی اثرات مقامی صرافہ بازاروں پر بھی گہرے نظر آئے اور فی تولہ و دس گرام کی قیمتوں میں بڑا اضافہ ریکارڈ کیا گیا۔

آل پاکستان جیولرز مینوفیکچچرز ایسوسی ایشن کے چیئرمین محمد ارشد کے مطابق بتاریخ 21 مئی 2021 بروز جمعہ پاکستان بھر کے مقامی صرافہ بازاروں میں سونے کی  قیمت میں 3 ہزار 528 روپے کا مجموعی اضافہ ریکارڈ کیا گیا۔

پاکستان میں فی تولہ سونے کی قیمت میں 1 ہزار 900 جبکہ دس گرام کی قیمت میں 1628 روپے کا اضافہ ہوا، جس کے بعد فی تولہ کی قیمت 1 لاکھ 9ہزار 500 جبکہ دس گرام کی قیمت 93 ہزار 878 تک پہنچ گئی۔

محمد ارشد کے مطابق 22 کیریٹ گولڈ کی دس گرام قیمت اضافے کے بعد 86 ہزار 55 جبکہ 21 کیریٹ 10 گرام سونے کی قیمت 82 ہزار 143 روپے تک پہنچ گئی۔

کراچی، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹوں میں لین دین نئے ریٹ کے ساتھ ہوئی۔