عمران خان کاکاغذات نامزدگی مسترد ہونے پر لاہور ہائیکورٹ سے رجوع کا فیصلہ

پاکستان تحریک انصاف (پی ٹی آئی) کے بانی چیئرمین عمران خان نے قومی اسمبلی کے حلقہ این اے 89 اور 122 سے کاغذات نامزدگی مسترد ہونے پر لاہور ہائیکورٹ سے رجوع کا فیصلہ کرلیا۔

بانی چیئرمین پی ٹی آئی کی لیگل ٹیم نے اپیلٹ ٹریبونل کے فیصلے کو چیلنج کرنے کا فیصلہ کرلیا ہے، اس حوالے سے کہا ہے کہ کاغذات بحال کروانے کے لیے لاہور ہائیکورٹ میں درخواست دائر کررہے ہیں، درخواست میں ٹریبونل کے فیصلے کو کالعدم قرار دینے کی درخواست میں استدعا کی جائے گی۔

اپیلوں کی دستاویزات سے متعلق بانی چیئرمین پی ٹی آئی کے وکیل ایڈووکیٹ خالد یوسف چوہدری نے ضروری کارروائی مکمل کرلی جبکہ دستاویزات پر عمران خان کے دستخط بھی لے لیے گئے۔

سابق وزیراعظم عمران خان نے این اے 89 میاںوالی اور این اے 122 لاہور سے کاغذات نامزدگی مسترد ہونے کے خلاف اپیلیں دائر کی تھیں۔

لاہور ہائیکورٹ اور راوپنڈی بینچ نے سابق چیئرمین پی ٹی آئی عمران خان کی دونوں اپیلیں خارج کردیں۔