برطانوی ہائی کمشنر جین میریٹ کی بلاول بھٹو سے ملاقات

اسلام آباد: پاکستان پیپلز پارٹی (پی پی پی) کے چیئرمین بلاول بھٹو زرداری سے برطانوی ہائی کمشنر جین میریٹ نے بدھ کو اسلام آباد میں ملاقات کی۔

ملاقات میں اقتصادی صورتحال اور پاک برطانیہ تعلقات سمیت مختلف موضوعات پر بات چیت ہوئی۔

جین میریٹ نے کہا کہ 8 فروری 2024 کو ہونے والے آئندہ عام انتخابات پاکستان کے مستقبل کے لیے ضروری ہیں ۔ 

واضح رہے کہ بلاول بھٹو سے ملاقات سے قبل برطانیہ کے ہائی کمشنر نے سابق وزیراعظم اور پاکستان مسلم لیگ ن (پی ایم ایل این) کے سربراہ  نواز شریف اور پاکستان تحریک انصاف (پی ٹی آئی) کے چیئرمین بیرسٹر گوہر سے بھی ملاقات کی تھی۔