امیدواروں کی ابتدائی فہرست کل جاری ہو گی ،الیکشن کمیشن

اسلام آباد : الیکشن کمیشن امیدواروں کی ابتدائی فہرست کل جاری کرے گا جبکہ امیدوار جمعے تک اپنے کاغذات نامزدگی واپس لے سکتے ہیں۔

ایپلیٹ ٹریبونلز کی طرف سے عام انتخابات کیلئے کاغذات نامزدگی منظور یا مسترد کئے جانے کیخلاف دائر اپیلیں نمٹانے کا آج آخری دن ہے۔

ان ٹریبونلزکی سربراہی ہائی کورٹس کے جج کر رہے ہیں۔

امیدواروں کی نظر ثانی شدہ فہرست جمعے کے روز شائع کی جائے گی۔

انتخابی نشانات ہفتے کے روز دیئے جائیں گے جبکہ عام انتخابات کیلئے پولنگ اگلے ماہ فروری  کی 8 تاریخ کو ہوگی۔