خانیوال: قومی شاہراہ پر ٹرک کی موٹر سائیکل کو ٹکر،2بھائی جاں بحق

جی این این کے مطابق  یہ افسوس ناک واقعہ خانیوال قومی شاہراہ پر پیش آیا جہاں ٹرک کی ٹکر سے دونوں موٹرسائیکل سوار موقع پر ہی دم توڑ گئے۔ اطلاع ملتےہی ریسکیو ٹیم جائے حادثہ پر پہنچ گئی  ۔ریسکیو کے مطابق  حادثہ میں جاں بحق  دونوں نوجوان ظفر اور ظہیر حقیقی بھائی تھے، دونوں بھائی  بازار سے خریداری کر کے واپس گھر 79دس آر جا رہے تھے۔ ریسکیو ٹیم نے تیسرے زخمی کو ڈسٹرکٹ اسپتال منتقل کر دیا ہے ۔