دھند کا راج، مزید 25 پروازیں منسوخ

لاہور: ملک کے بیشتر شہروں میں دھند کا راج برقرار، مزید 25 پروازیں منسوخ جب کہ 5 پروازیں متبادل ایئرپورٹس کی جانب موڑ دی گئیں۔

ایوی ایشن حکام کے مطابق 11 دنوں میں پاکستان کے ہوائی اڈوں کی 355 پروازیں منسوخ کی گئی ہیں۔

پاکستان انٹرنیشنل ایئرلائنز (پی آئی اے) کی جدہ سے ملتان جانے والی پرواز پی کے 840 لاہور پہنچ گئی، شارجہ، دبئی، جدہ، ابوظہبی سے پشاور جانے والی پی آئی اے کی چار پروازیں اسلام آباد پہنچیں۔

ایوی ایشن حکام کا کہنا ہے کہ شارجہ، دبئی، ابوظہبی، جدہ سے پشاور جانے والی سات پروازیں منسوخ کر دی گئیں اور اسلام آباد سے گلگت اور کراچی جانے والی چار پروازیں بھی منسوخ کر دی گئیں۔

اس کے علاوہ کراچی سے سکھر، پشاور، لاہور، شارجہ اور جدہ جانے والی 11 پروازیں بھی منسوخ کر دی گئیں۔ جبکہ ملتان سے دبئی اور جدہ کے درمیان نجی ایئر لائن کی تین پروازیں بھی منسوخ کر دی گئیں۔