الیکشن کمیشن کو پوسٹل بیلٹ کیلئے 4 لاکھ 49 ہزار 297 درخواستیں موصول

8  فروری کو ہونے والے عام انتخابات کے لیے الیکشن کمیشن کو پوسٹل بیلٹ کے لیے 4 لاکھ 49 ہزار 297 درخواستیں موصول  ہوئیں۔

الیکشن کمیشن آف پاکستان کو قومی اسمبلی کے لیے پوسٹل بیلٹ کی 2 لاکھ 6 ہزار 533 درخواستیں موصول ہوئیں اور صوبائی اسمبلیوں کے لیے پوسٹل بیلٹ کی 2 لالھ 42 ہزار 754 درخواستیں موصول ہوئیں۔

میڈیا ذرائع کے مطابق الیکشن کمیشن کے مطابق پنجاب سے قومی اسمبلی کے لیے 73 ہزار 586 اور صوبائی اسمبلی کے لیے 74 ہزار 274پوسٹل بیلٹ  درخواستیں موصول ہوئیں جب کہ سندھ سے قومی اسمبلی کے لیے 24 ہزار 420 اور صوبائی اسمبلی کے لیے 26 ہزار 649  پوسٹل بیلٹ درخواستیں موصول ہوئیں۔

اسی طرح خیبر پختوانخوا سے قومی اسمبلی کے لیے 72 ہزار 769 اور صوبائی اسمبلی کے لیے 81 ہزار 281 پوسٹل بیلٹ درخواستیں موصول ہوئیں جب کہ بلوچستان سے قومی اسمبلی کے لیے 35 ہزار 758 اور صوبائی اسمبلی کے لیے 60 ہزار 550 پوسٹل بیلٹ درخواستیں موصول  ہوئیں۔