اسٹیٹ بینک کے زرمبادلہ کے ذخائر میں بڑا اضافہ

عالمی مالیاتی ادارہ (آئی ایم ایف) سے اسٹینڈ بائے ارینجمنٹ کے تحت قسط کی وصولی سے زرمبادلہ کے ذخائر میں اضافہ ہوگیا اور اسٹیٹ بینک آف پاکستان سے جاری اعداد وشمار کے مطابق زرمبادلہ کے سرکاری ذخائر میں 24 کروڑ 30 لاکھ ڈالر کا اضافہ ہوگیا ہے۔

اسٹیٹ بینک میں آئی ایم ایف سے قسط کی وصولی کے ساتھ زرمبادلہ کے ذخائر میں 19 کروڑ 70 لاکھ ڈالر کا اضافہ ہوا اور مجموعی ذخائر 13 ارب 34 کروڑ 20 لاکھ ڈالر ہوگئے۔

مرکزی بینک کےمطابق گزشتہ ہفتے کے دوران کمرشل بینکوں کے ذخائر میں 4 کروڑ 70 لاکھ ڈالر کی کمی ہوئی اور کمرشل بینکوں کے ذخائر کی مجموعی مالیت 5 ارب 7 کروڑ ڈالر کی سطح پر آگئے۔