قائم مقام چیئرمین پی سی بی شاہ خاور کی تعیناتی کی مدت میں ایک ماہ کی توسیع

قائم مقام چیئرمین پی سی بی شاہ خاور کی تعیناتی کی مدت میں ایک ماہ کا اضافہ کردیا گیا۔

تعیناتی کی مدت میں اضافے سے متعلق شاہ خاور نے خود ایک پریس کانفرنس میں بتایا۔ انہوں نے کہا ہےکہ پی سی بی میں تقرری بطور الیکشن کمشنر ہوئی ہے، کوشش ہے مقررہ وقت پر انتخابات کرائیں۔

Chairman PCB Mr Shah Khawar's press conference at Gaddafi Stadium, Lahore. https://t.co/xbeWrnZXUu

— Pakistan Cricket (@TheRealPCB) January 26, 2024

لاہور میں کی جانے والی اس پریس کانفرنس میں قائم قام چئیرمین پی سی بی نے کہا کہ 16جنوری کومینجمنٹ کمیٹی کے اجلاس میں میری تعیناتی کی مدت میں ایک ماہ کے اضافے کا فیصلہ کیا گیا۔ بورڈ آف گورننس 11اراکین پر مشتمل ہے، قائم مقام چیئرمین پی سی بی کیلئے ذکا اشرف کی جگہ محسن نقوی کا نام سامنے آیا ہے۔

شاہ خاور کا کہنا تھا کہ پی سی بی کے آئین نے مجھے ادارے کے الیکشن کرانے کی ذمہ داری دی ہے۔ بورڈ آف گورنرز کی تشکیل کےبعد پی سی بی کے الیکشن کااعلان کریں گے۔میراپہلا کام پی سی بی چیئرمین کا الیکشن کرانا ہے، ذکاء اشرف کے بعد محسن نقوی متبادل کے طور پر سامنےآئے ہیں۔

شاہ خاور نے مزید کہا کہ8 بورڈ آف گورنرز کی تعیناتی یقینی بنانی ہے،جس کی تشکیل کے بعد کرکٹ بورڈ کے الیکشن کا اعلان کریں گے۔گورننگ بورڈ میں ریجنز کے وہ نمائندے ہوں گے جوپورے ملک کی نمائندگی کررہے ہیں، کوشش ہے مقررہ وقت پر الیکشن کراؤں اسے آگے نہیں لے جاسکتے۔