فیڈرل یونین آف جرنلسٹ ورکرز کے صدر پرویز شوکت انتقا ل کر گئے

سینئرصحافی اور فیڈرل یونین آف جرنلسٹ ورکرز کے صدر پرویز شوکت آج(جمعہ) اسلام آباد میں انتقال کر گئے۔

اطلاعات و نشریات کے نگران وزیر مرتضیٰ سولنگی نے اپنے تعزیتی پیغام میں سینئر صحافی پرویز شوکت کی وفات پر گہرے دکھ اور افسوس کا اظہار کیا ہے۔

انہو ں نے کہا کہ پرویز شوکت صحافی برادری کی ایک توانا آواز تھے اورصحافت اور صحافیوں کی فلاح وبہبود کیلئے ان کی خدمات ہمیشہ یاد رکھی جائیں گی۔

نگران وفاقی وزیر اطلاعات مرتضی سولنگی نے مرحوم کے ایصال ثواب کے لئے دعا کی اور لواحقین سے ہمدردی کا اظہار کیا۔