عوامی نیشنل پارٹی کے رہنما کے بیٹے اسلام آباد میں قتل

اسلام آباد : عوامی نیشنل پارٹی کے رہنما قطب خان بازائی کے بیٹے کو اسلام آباد میں قتل کر دیا گیا ۔

26 سالہ بلاور خان کو اسلام آباد میں فائرنگ کر کے قتل کیا گیا ، بلاور خان کوئٹہ اور اسلام آباد میں گاڑیوں کی خریدو فروخت کاکام کرتا تھا ۔

تفصیلات کے مطابق بلاور خان پچھلے ایک ہفتے سے اپنے دوستوں کے ساتھ ایف الیون میں رہائش پذیر تھا ۔ 

پولیس حکام کا کہنا ہے کہ مقتول کی گاڑی ٹیمپرڈ ہونے پر کاروباری دوستوں کے ساتھ چپقلش بھی چل رہی تھی ۔ 

یااللہ خیر۔۔۔ افسوسناک واقعہ۔!!عوامی نیشنل پارٹی کے رہنما کے بیٹے اسلام آباد میں قتل!!#Breakingnews #GNN #GNN_Updates pic.twitter.com/uus2RcDhSY

— GNN (@gnnhdofficial) January 26, 2024

تلخ کلامی ہونے پر ملزمان نے بلاور خان کو فائرنگ کرکے قتل کردیا ، پولیس نے مقتول بلاور کے بھائی کی مدیت میں پانچ نامزد اور دیگر نا معلوم افراد کے خلاف مقدمہ درج کر لیا ۔ 

پولیس حکام کا کہنا ہے کہ ملزمان کو جلد سے جلد گرفتار کر لیا جائے گا ۔