الیکشن 2024:مسلم لیگ ن نے منشور کے اہم نکات عوام کے سامنے رکھ دیئے

منشور کمیٹی کے چیئرمین سینیٹر عرفان صدیقی نے منشور کے اعلان پر کہا کہ نواز شریف کی ہدایت تھی ایسا منشور نہیں دینا جس پر عمل نہ ہو، انتخابی منشور بنانے میں تاخیر ترامیم کی وجہ سے ہوئی، ماضی کی کارکردگی کو بھی ہم نے منشور کا حصہ بنایا

شہباز شریف نے منشور کی لانچنگ تقریب سے خطاب کرتے ہر الیکشن میں جانے سے پہلے سیاسی جماعتیں منشور پیش کرتی ہیں، نواز شریف نے کبھی دعویٰ نہیں کیا کہ وہ لوڈشیڈنگ ختم کر دیں گے، نواز شریف نے کہا کہ وہ کوشش کریں گے کہ لوڈشیڈنگ ختم ہو۔

شہباز شریف کا کہنا تھا کہ نواز شریف نے کراچی کے عوام کو گرین لائن بس کا تحفہ دیا، 11 ہزار میگاواٹ بجلی کے منصوبے لگائے جو ریکارڈ ہے۔

پاکستان مسلم لیگ (ن) نے اپنے انتخابی منشور کا اعلان کردیا

"محفوظ پاکستان"

"مساوات کو فروغ"#PMLNManifesto#پاکستان_کو_نواز_دو pic.twitter.com/cDJMdSXxqA

— PMLN (@pmln_org) January 27, 2024

نوازشریف وہ شخص ہے جس نے وعدے کم اور عمل زیادہ کیا، انہوں نے ملک کیلئے جو کچھ کیا وہ سب عوام کے سامنے ہے۔

منشور کی لانچنگ تقریب سے خطاب کرتے ہوئے کہا کہ بڑا عجیب لگ رہا ہے حکومت گرائے جانے کے بعد، سپریم کورٹ کے 5 ججز کے فیصلے بعد اور ہر انتقامی کارروائی کے بعد آج پھر نواز شریف اور لیگی قیادت جیلوں میں رہنے کے بعد انتخابات کے لیے اپنا منشور پیش کر رہی ہے۔