پاکستان اور مارشل آئی لینڈز کے درمیان سفارتی تعلقات قائم

پاکستان اور مارشل آئی لینڈز نے باضابطہ سفارتی تعلقات قائم کئے ہیں۔

اس سلسلے میں ایک مشترکہ اعلامیے پر اقوام متحدہ میں پاکستان کے نمائندے سفیر منیر ا کرم اور ان کے مارشل آئی لینڈز کے ہم منصب سفیر  اماتلین الیزابیتھ  نے نیو یارک میں دستخط کئے۔

اس موقع پر گفتگو کرتے ہوئے منیر اکرم نے کہا کہ پاکستان مارشل آئی لینڈز کو ایشیاء بحرالکاہل خطے کا ایک اہم ملک سمجھتا ہے۔

سفیر منیر ا کرم  نے کہا کہ دونوں دوست ملکوں نے نقصانات کے ازالے کے فنڈ کے قیام اور کوپ ۔28 میں اس پر عملدرآمد کے سلسلے میں قائدانہ کردار ادا کیا۔

سفیر اماتلین الیزابیتھ  نے کہا کہ ان کا ملک تمام شعبوں میں پاکستان کے ساتھ تعاون ہر طرح کے تعاون کیلئے حاضر ہے ۔