وزیراعلیٰ کے پی کے کا سرکاری دفاتر میں رشوت کے خلاف اسٹنگ آپریشن

تفصیلات کے مطابق  شہریوں کی شکایات پروزیراعلیٰ خیبرپختونخوامحمودخان نے بھیس بدل کر ڈپٹی کمشنر آفس پشاورکا دورہ کیا اورعام شہریوں کےساتھ کھڑے ہوکر تمام صورتحال کاجائزہ لیا۔ وزیراعلیٰ نےلائسنس برانچ کے کلرک اور دیگرعملہ کو رشوت لیتے ہوئے رنگے ہاتھوں پکڑلیا۔

وزیراعلیٰ نے مقررہ لائسنس فیس سے زائد وصولی پر لائسنس برانچ کے انچارج سمیت سارے عملے کومعطل کرکے انکوائری کاحکم دے دیا۔

وزیر اعلیٰ محمود خان  کا کہنا تھا کہ تمام اداروں و محکموں پر واضح ہو کہ کسی قسم کی غفلت لاپرواہی اور بدعنوانی بالکل برداشت نہیں کی جائے گی۔

ان  کا کہنا تھا کہ میں اب خود مختلف مقامات اور اداروں میں عوام کے درمیان جاکر اس طرح کے جائزے لیتا رہوں گا، کرپشن میں ملوث عناصر کو کسی صورت معاف نہیں کیا جائے گا۔