پیٹرولیم مصنوعات کی قیمتوں میں بڑے اضافے کا امکان

اسلام آباد : یکم فروری سے پیٹرول کی قیمت میں 10 روپے تک اضافے کا امکان ظاہر کیا جا رہا ہے، پیٹرولیم مصنوعات کی قیمتوں میں اضافے کا اعلان 31 جنوری 2024 کی رات ہوگا۔

تفصیلات کے مطابق عالمی منڈی میں خام تیل مہنگا ہونے پر پیٹرول اور ڈیزل مہنگا کرنے کی تجویز دے دی گئی ہے ۔

میڈیا ذرائع کے مطابق  عالمی منڈی میں خام تیل کی قیمت میں اضافے کے باعث نگران حکومت کی جانب سے 31 جنوری سے 15 فروری تک کے لیے پیٹرول اور ڈیزل کی قیمتوں میں9 روپے فی لیٹر تک اضافے کا امکان ہے۔

پیٹرول اور ڈیزل کی عالمی منڈیوں میں قیمتیں گزشتہ 15 دن کے دوران بڑھی ہیں۔اس کے علاوہ پاکستان سٹیٹ آئل کو امپورٹ پریمیم کی مد میں بھی زائد ادائیگی کرنی پڑی، حالانکہ ڈالر کے مقابلے میں روپے کی قدر میں اضافہ ہوا۔

پیٹرولیم مصنوعا ت  کی قیمتوں میں پیٹرول  فی لیٹر 5 سے 9 روپے جبکہ ڈیزل کی قیمت میں 4 تا 6 روپے کے اضافے کا امکان ہے ، تاہم اس کا انحصار شرح تبادلہ کے حساب پر ہوگا۔