جنوبی پنجاب کو منی لاہور نا بنایا تو میرا نام شہباز نہیں ،شہباز شریف

راجن پور: صدر مسلم لیگ (ن) شہباز شریف نے کہا ہے کہ جنوبی پنجاب کو منی لاہور بنا دیں گے اگر  نہ بنایا تو میرا  نام شہبازشریف  نہیں.

شہباز شریف نے عثمان بزدار کو تنقید کا نشانہ بناتے ہوئے کہا کہ 6سال میں کیا ہوا یہ آپ لوگ ہی جانتے ہیں، جو چار برس وزیراعلی رہا جس کا تعلق یہاں سے تھا اسکے پاس سب کچھ تھا یہاں تک کہ جادو ٹونا بھی تھا لیکن اس نے اس علاقے کیلئے کچھ نہ کیا،  عثمان بزدار کی جگہ اور کوئی ہوتا تو اس علاقے کی تقدیر بدل چکی ہوتی، چار سال میں جنوبی پنجاب کو گل گلزار بنا دینا چاہیے تھا۔

راجن پور میں جلسہ عام سے خطاب کرتے ہوئے انہوں نے کہا کہ نوازشریف نے فیصلہ کر لیا ہے   کہ اگر امیروں کے بچوں کیلئے لاہور میں ایچی سن کالج ہوسکتا ہے تو پھر غریبوں کے بچوں کیلئے بھی  اسی  معیار کے دانش اسکول بنائے جائیں اور ہم نے وہ کام پورا کیا، ہم نے بچوں اور بچیوں کے 20 دانش اسکول بنائے جن میں سے 16 جنوبی پنجاب میں بنائے گئے۔