الیکشن کمیشن کا ضابطہ اخلا ق کی خلاف ورزی پر جرمانہ

الیکشن کمیشن نے خیبرپختونخوا میں انتخابی ضابطہ اخلاق کی خلاف ورزی پر امیدواروں اور دیگر متعلقہ افسران کو نوٹس جاری اور جرمانے عائد کئے ہیں۔

تفصیلات کے مطابق امیدواروں پر پشاور ڈویژن میں پچانوے ہزار روپے، مالاکنڈ ڈویژن میں تین لاکھ روپے، ہزارہ ڈویژن میں ایک لاکھ اکہتر ہزار روپے اور مردان ڈویژن میں ایک لاکھ پانچ ہزار روپے کے جرمانے کئے۔

الیکشن کمیشن کی ہدایات کے مطابق ضلعی ریٹرننگ افسران نے امیدواروں کیخلاف کارروائی کرتے ہوئے مجموعی طور پر نو لاکھ چھیاسٹھ ہزار روپے کا جرمانہ کیا ہے۔

اسی طرح ضابطہ اخلاق کی خلاف ورزی پر امیداروں پر کوہاٹ ڈویژن میں ایک لاکھ پندرہ ہزار روپے، بنوں ڈویژن میں تیس ہزار روپے جبکہ ڈیرہ اسماعیل خان میں ایک لاکھ پچاس ہزار روپے کے جرمانے کئے گئے۔