پاکستان کے امن فوجی دستے پر حملہ ،ایک جوان شہید

پاکستان کے امن فوجی دستے کا ایک اہلکار سوڈان اور جنوبی سوڈان کے درمیان متنازعہ علاقے ابیئی میں فوجی قافلے پر دہشت گردی کے حملے میں شہید ہوگیا ہے۔

پاک فوج کے شعبہ تعلقات عامہ کے مطابق  ابیئی  میں پاکستانی امن دستے پر عسکریت پسندوں نے اچانک حملہ کردیا جس کا ہمارے فوجی جوانوں نے موثر طریقے سے جواب دیا۔

پاک فوج کے امن دستے کا شہید ہونیوالا فوجی محمد طارق ہے جبکہ اس حملے میں دو افسروں سمیت چار فوجی اہلکار زخمی ہوئے۔

اب تک پاک فوج کے امن دستے کے ایک سو اکاسی اہلکار دنیا کے مختلف حصوں میں قیام امن کے مشنوں میں اپنی جانیں قربان کرچکے ہیں۔