بجلی کی قیمتوں میں اضافے کا امکان

اسلام آباد: مہنگائی کے مارے عوام پر ایک اور بجلی بم گرانے کی تیاری کر لی گئی ہے ۔ 

تفصیلات کے مطابق بجلی کی تقسیم کار کمپنیوں نے نیشنل الیکٹرک پاور ریگولیٹری اتھارٹی (نیپرا) کو اکتوبر سے دسمبر 2023 تک کی سہ ماہی ایڈجسٹمنٹ کے لیے ملک بھر میں بجلی کی قیمت میں اضافے کی درخواست جمع کرادی ہے۔

مزید کہا جا رہا ہے کہ استعداد چارجز کی مد میں 75 ارب روپے اور ہرجانے کی مد میں 10 ارب روپے وصول کرنے کی درخواست کی گئی ہے۔

بجلی کی تقسیم کار کمپنیوں کی درخواست پر سماعت 14 فروری کو ہو گی، درخواست منظور ہونے کے بعد بجلی پر 2 ارب روپے کا اضافی بوجھ پڑے گا۔ بجلی صارفین کو 81 ارب روپے منتقل کیے جانے کا امکان ہے۔

حکومتی ہدایات کے مطابق سہ ماہی ایڈجسٹمنٹ کا اطلاق بجلی کے صارفین پر بھی ہوگا۔