سائفر کیس کا معاملہ پوری قوم کے سامنے لایا جا ئے ،امیر جماعت اسلامی

امیر جماعت اسلامی سراج الحق نے کہا ہے کہ سائفر کیس کے حقائق پوری قوم کے سامنے آنے چاہییں۔

امیر جماعت اسلامی سراج الحق نے میڈیا سے گفتگو کرتے ہوئے کہا کہ عمران خان، شاہ محمود قریشی کو سائفر کیس میں سزا پر بے حد افسوس ہے، انہوں نے کہا کہ سائفر کیس کے اصل حقائق پوری قوم کے سامنے آنے چاہیے بلکہ  مقدمہ کی سماعت کھلی عدالت میں ہونی چاہیے تھی تاکہ عدل کے تقاضے پورے ہوتے۔

امیر جماعت اسلامی سراج الحق نے مزید کہا کہ پی ٹی آئی لیڈران کو فیصلے کے خلاف اپیل کا حق حاصل ہے، فیصلے آئین، قوائد و ضوابط کے مطابق ہونے چاہییں، ملک میں آئین و قانون کی بالادستی کے لیے جدوجہد جاری رکھیں گے۔

سائفر کیس بانی پی ٹی آئی اور شاہ محمود قریشی کو 10، 10 سال قید کی سزا سنا دی گئی ہے ۔ 

آفیشل سیکرٹ ایکٹ عدالت کے جج ابو الحسنات محمد ذولقرنین نے سزا سنائی۔ اڈیالہ جیل راولپنڈی میں سائفر کیس کی سماعت جیل کورٹ روم میں ہوئی۔