بلاول بھٹو ملک کے وزیراعظم بن کر معاشی انقلاب لائیں گے،آصفہ بھٹو

مورو: شہید بینظیر بھٹو کی بیٹی  آصفہ بھٹو زرداری نے کہا ہے کہ بلاول بھٹو زرداری ملک کے وزیراعظم بن کر معاشی انقلاب لائیں گے۔

انہوں نے کہا کہ اس حوالے سے آج میں مورو پہنچییں ہوں الیکشن میں بلاول بھٹو زرداری کو ووٹ دیں، ہم نے لوگوں کو لاکھوں گھر دیے ہیں، آپ نے ووٹ سے پیپلز پارٹی کے امیدواروں کو جتوانا ہے۔

 آصفہ بھٹو زرداری نے دادو مورو بائی پاس چوک پر خطاب کرتے ہوئے کہا کہ پاکستان پیپلز پارٹی آپ کے روزگار روٹی کا سوچتی ہے، پیپلز پارٹی کو ووٹ دیں تاکہ بلاول بھٹو آپ کی خدمت کریں۔

انہوں نے کہا کہ پیپلز پارٹی کی قیادت اور کارکنان سمیت ہم   کسی سے بھی سیاسی انتقام نہیں لینا چاہتے ، آصفہ بھٹو زرداری نے  کہا کہ بلاول بھٹو زرداری ملک کے وزیراعظم بن کر معاشی انقلاب لائیں گے، ضلع سے تمام پی پی امیدواروں کو فتح نصیب ہونی چاہیے۔