ڈیوس کپ ٹائی میں بھارت نے پاکستان کو شکست دے دی

اسلام آباد: اسلام آباد میں کھیلے گئے ڈیوس کپ ٹائی میں بھارت نے پاکستان کو 4-0 سے شکست دے دی۔

تفصیلات کے مطابق دونوں سنگلز میں شکست کے بعد پاکستان دوسرے روز ڈبلز اور ریورس سنگلز میں بھی ناکام رہا۔

پاکستان کے عقیل خان اور مزمل مرتضیٰ کی جوڑی کو ڈبلز میں شکست کا سامنا کرنا پڑا، بھارت نے ڈبلز 6-2 اور 7-6 سے جیت لیا۔

ڈیوس کپ میں پاکستان کے خلاف بھارت کا ریکارڈ مزید مضبوط ہو گیا، بھارت نے پاکستان کو مجموعی طور پر 8 ڈیوس کپ میں شکست دی۔ اعصام الحق اپنی فٹنس کے باعث ڈبلز میچ نہیں کھیل سکے۔