کاروباری برادری کیلئے تمام سہولتوں کی فراہمی حکومت کی اولین ترجیح ہے:نگران وزیراعظم

نگران وزیراعظم انوار الحق کاکڑ نے کہا ہے کہ بین الاقوامی سرمایہ کاروں اور کاروباری برادری کے لئے تمام سہولتوں کی فراہمی حکومت کی اولین ترجیح ہے۔

اسلام آباد میں کراچی الیکٹرک کے مختلف مسائل کے بارے میں ایک جائزہ اجلاس کی صدارت کرتے ہوئے انہوں نے کہا نگران حکومت نے مختصر مدت میں بعض بڑے اور دیرینہ مسائل کامیابی سے حل کئے ہیں اور ملک کو معاشی استحکام کی راہ پر گامزن کردیا ہے۔