کراچی میں رینجرزکی کارروائی،لیاری گینگ وار کے 3دہشت گرد گرفتار

ترجمان کے مطابق شہر قائدکراچی میں اورنگی کے علاقے اقبال مارکیٹ میں رینجرز اور پولیس نے مشترکہ آپریشن کیا جس کے دوران لیاری گینگ وار کے3دہشت گردوں کو گرفتار کر لیا گیا۔گرفتار ملزمان میں محمد وقاص ایوب،محمد طاہر اورمحمد عباس شامل ہیں۔

ترجمان نے مزید کہا کہ گرفتارملزمان کے قبضے سے اسلحہ منشیات، گولیاں اور بال بم برآمد ہوئے ہیں جبکہ گرفتار ملزمان کے خلاف غیر قانونی اسلحہ، منشیات اور دہشت گردی کی دفعات کے تحت مقدمہ درج کرلیا گیا۔

ترجمان نے مزید کہا کہ گرفتار ملزمان پولیس اہلکاروں پر بھی تشدد میں ملوث رہے ہیں اور گرفتار دہشت گردوں نے علاقے میں دہشت پھیلا رکھی تھی۔