ن لیگ   صدارتی انتخاب میں آصف علی زرداری کو ووٹ دے گی، مریم نواز

وزیراعلیٰ پنجاب مریم نواز نے کہا ہے کہ مسلم لیگ ن  کل صدارتی انتخاب میں آصف علی زرداری کو ووٹ دے گی۔

وہ آج (جمعہ) کو لاہور میں پاکستان پیپلزپارٹی پارلیمنٹرینز کے چیئرمین بلاول بھٹو زرداری کے ہمراہ پاکستان مسلم لیگ نون اور پاکستان پیپلزپارٹی پارلیمنٹرینز کی مشترکہ پارلیمانی پارٹی کے اجلاس سے خطاب کررہی تھیں۔

مریم نواز نے کہاکہ آصف علی زرداری مسلم لیگ نون اور پاکستان پیپلزپارٹی پارلیمنٹرینز کے مشترکہ امیدوار ہیں اور امیدظاہر کی کہ کل کے بعد ایوان صدر آئین کے مطابق کام کرے گا ۔

وزیر اعلی پنجاب مریم نواز  نے کہاکہ سنجیدہ سوچ رکھنے والی سیاسی جماعتیں ملکی مفادات کیلئے متحد ہیں ۔