مریم نواز کی کینیڈین ہا ئی کمشنر سے ملا قات

لاہور: وزیراعلیٰ پنجاب مریم نواز شریف سے پاکستان میں کینیڈین ہائی کمشنر لیسلی سکینلون نے وزیراعلیٰ آفس میں ملاقات کی۔

میٹنگ میں ایگزیکٹو ڈائریکٹر پاکستان ریجن نیل سٹیورڈ، فرسٹ سیکرٹری ایلیسیا سوسا اور ٹریڈ کمشنر علی خان بھی موجود تھے۔

ہائی کمشنر لیزلی سکینلن نے مریم نواز شریف کو پنجاب کی پہلی خاتون وزیر اعلیٰ بننے پر مبارکباد دی۔ ملاقات میں کینیڈا اور پنجاب کے درمیان اقتصادی تعلقات کو بڑھانے کے مواقع تلاش کرنے پر توجہ مرکوز کی گئی۔

بات چیت میں کینیڈا کے اعلیٰ تعلیمی اداروں میں پنجاب کے طلباء کے لیے وظائف میں اضافہ شامل تھا۔ مریم نواز شریف نے کینیڈا کے ساتھ اقتصادی تعلقات کو مزید بلند کرنے کے عزم کا اظہار کیا۔