یوٹیلیٹی اسٹورز پر رمضان پیکیج کے حجم میں 5 ارب روپے کا اضافہ

اسلام آباد: یوٹیلیٹی اسٹورز پر رمضان پیکج کے حجم میں 5 ارب روپے اضافے کی منظوری کے بعد گھی کی قیمت میں 30 روپے فی کلو کمی کردی گئی۔

وزیراعظم شہباز شریف نے یوٹیلیٹی سٹورز پر رمضان پیکج کے حجم میں 5 ارب روپے اضافے کی منظوری دے دی جس کے بعد یوٹیلیٹی سٹورز پر رمضان پیکج کا حجم 7.5 ارب روپے سے بڑھا کر 12.5 ارب روپے کر دیا گیا۔

میڈیا رپورٹس کے مطابق گھی کی قیمت میں 30 روپے کی کمی کے بعد گھی کی نئی قیمت 365 روپے فی کلو سے 335 روپے ہوگئی ہے۔

یہ بھی بتایا گیا ہے کہ فی کلو گھی کی امدادی قیمت 70 روپے سے بڑھا کر 100 روپے کر دی گئی ہے۔ گھی کی قیمت میں کمی کا اطلاق آج سے ہو گیا ہے۔