عوام کو ریلیف دینے کے لیے تمام ضروری اقدامات کیے جائیں گے،مریم نواز

وزیر اعلی پنجاب مریم نواز کا کہنا ہے کہ صوبے میں عوام کو ریلیف دینے کے لیے تمام ضروری اقدامات کیے جائیں گے۔

ایک بیان میں، وزیر اعلی نے کہا کہ نگہبان رمضان پیکیج کے خصوصی بیگ تیس لاکھ سے زائد مستحق خاندانوں تک پہنچائے جا چکے ہیں۔

انہوں نے کہا کہ ان خصوصی بیگز کی کل چھ اعشاریہ چار ملین مستحق خاندانوں کو فراہمی جلد مکمل کر لی جائے گی۔

مریم نواز نے کہا کہ نگہبان رمضان پیکیج میں شفافیت کو یقینی بنایا گیا ہے کیونکہ شفافیت کو یقینی بنانے کے لیے ہر بیگ پر کیو آر کوڈ پرنٹ کیا گیا ہے۔

پیکج کے حوالے سے کسی بھی شکایت کے لیے لوگ خصوصی ہیلپ لائن 0800-02345 پر رابطہ کر سکتے ہیں۔