پی ایس ایل سیزن 9 ، ٹائٹل جیتنے کے بعد یونائیٹڈ کا فلسطین کے ساتھ اظہار یکجہتی

اسلام آباد یونائیٹڈ نے پاکستان سپر لیگ (پی ایس ایل) ٹائٹل جیتنے کے بعد گراؤنڈ میں فلسطینی پرچم لہرا دیئے۔

کراچی کے نیشل اسٹیڈیم میں کھیلے گئے پاکستان سپر لیگ (پی ایس ایل) کے فائنل میں اسلام آباد یونائیٹڈ نے سنسنی خیز مقابلے کے بعد ملتان سلطانز کو شکست دیکر تیسری بار ایونٹ کا ٹائٹل اپنے نام کیا۔

Best celebration in PSL History ❤️❤️pic.twitter.com/AyOVxUmWBT

— ٰImran Siddique (@imransiddique89) March 18, 2024

کراچی کے نیشنل اسٹیڈیم میں کھیلے جانے والے اس میچ میں یونائیٹڈ کے کھلاڑیوں فلسطین کے عوام سے بھرپور یکجہتی کا اظہار کیا۔ فائنل میں جیت کے ساتھ ہی فلسطینیوں کی حمایت میں کھلاڑیوں نے جھنڈے لہرائے اور گراؤنڈ کا چکر لگایا۔

فاتح ٹیم نے اسرائیلی مظالم کے خلاف غزہ کے مظلوم شہریوں سےاظہار یکجہتی کرتے ہوئے فلسطین کے جھنڈے پشت پر لہرائے اور گراؤنڈ کاچکرلگایا۔

اسلام آباد یونائیٹڈ کی ٹیم کی جانب سے فتح کا جشن اس طور سے منانے پر اسٹیڈیم میں موجود شائقین نے بھی پورے جوش وخروش کے ساتھ فلسطین کے حق میں نعرے لگائے۔

 واضح رہے کہ شاداب خان کی قیادت میں اسلام آباد یونائیٹڈ نے پہلی بار جبکہ پی ایس ایل کی تاریخ میں تیسری بار ٹائٹل اپنے نام کیا۔