دنیا
اسرائیل غزہ میں قحط کو جنگ کے ہتھیار کے طور پر استعمال کر رہا ہے، سربراہ یورپی یونین
غزہ میں ہم اب قحط کے دہانے پر نہیں ہیں بلکہ ہم قحط کی حالت میں ہیں، جوزف بوریل
یورپی یونین کی خارجہ پالیسی کے سربراہ جوزف بوریل نےکہا ہے کہ اسرائیل غزہ کی پٹی میں قحط پیدا کر رہا ہے اور بھوک کو جنگ کے ہتھیار کے طور پر استعمال کر رہا ہے۔
غیر ملکی خبر رساں ادارے کے مطاق انہوں نے برسلز میں غزہ کے لیے انسانی امداد کے بارے میں ایک کانفرنس کے افتتاح کے موقع پر کہا کہ غزہ میں ہم اب قحط کے دہانے پر نہیں ہیں بلکہ ہم قحط کی حالت میں ہیں جس میں ہزاروں لوگ قحط میں مبتلا ہیں۔
انہوں نے مزید کہا کہ یہ ناقابل قبول ہے، قحط کو جنگ کے ہتھیار کے طور پر استعمال کیا جا رہا ہے اور اسرائیلی جنگ قحط کا باعث بن رہی ہے۔ غزہ کو قحط کا سامنا ہے جو کہ ناقابل قبول ہے۔انہوں نے فوری جنگ بندی کے معاہدے پر زور دیا۔
واضح رہے غزہ کی وزارت صحت نے پیر کو ایک بیان میں کہا ہے کہ 7 اکتوبر سے جاری اسرائیلی جنگ میں 31 ہزار 726 سے زائد فلسطینی شہید چکے ہیں اور 73 ہزار 792 سے زائد افراد زخمی ہوئے ہیں۔وزارت نے مزید کہا کہ گذشتہ 24 گھنٹوں کے دوران تقریباً 81 فلسطینی شہید اور 116 دیگر زخمی ہوئے۔
پاکستان
محکمہ موسمیات نے درجہ حرارت بڑھنے کے ساتھ ساتھ بارشوں کی خوشخبری دے دی
پی ڈی ایم اے کے ترجمان کے مطابق پنجاب کے میدانی علاقوں میں ہیٹ ویو کا خطرہ زیادہ ہے۔ لوگوں سے کہا گیا ہے کہ احتیاطی تدابیر اختیار کریں
قدرتی آفات سے نمٹنےو الے صوبائی ادارے پی ڈی ایم اے کی جانب سے صوبہ پنجاب میں اگلے ہفتے درجہ حرارت بڑھنے کے ساتھ ساتھ بارش کا بھی امکان ظاہر کیا گیا ہے۔
پی ڈی ایم اے کے ترجمان کے مطابق پنجاب کے میدانی علاقوں میں ہیٹ ویو کا خطرہ زیادہ ہے۔ لوگوں سے کہا گیا ہے کہ احتیاطی تدابیر اختیار کریں اور دن کے وقت غیر ضروری طور پر گھروں سے نہ نکلیں۔ پنجاب کے بیشتر اضلاع میں 10 سے 12 مئی تک بارش ہوسکتی ہے۔
11 مئی سےجنوبی پنجاب کےاضلاع میں طوفانی بارش کا امکان ہے، ترجمان پی ڈی ایم افصلوں کو طوفان سے نقصان پہنچنے کا خدشہ ہے۔پی ڈی ایم اے نے عوام سے اپیل کی ہے کہ دوپہر کے وقت کام کرنے والےلو سے بچنے کا اہتمام کریں۔اس حوالے سے محکمہ صحت ، آبپاشی ،تعمیرومواصلات،لوکل گورنمنٹ ،لایئواسٹاک ودیگرکو الرٹ جاری کردیا ہے۔
تجارت
سو لر پینلز کی قیمتوں میں مزید کمی کر دی گئی
مختلف اقسام اور برانڈز کے سولر پینل کے اوسط ریٹس 37روپے تک گر گئے
سولر پینل ڈیلرزکا کہنا ہے کہ سولر پینل کی فی واٹ قیمت 40روپے یا اس سے نیچے تک آ گئی ۔
مختلف اقسام اور برانڈز کے سولر پینل کے اوسط ریٹس 37روپے تک گر گئے،ڈیلرز کا مزید کہنا ہے کہ بے تحاشہ سپلائی موجود ہونے کے سبب ریٹس کریش ہوئے ہیں،صرف6ماہ میں سولر پینل قیمتیں 30فیصد کم ہوئی ہیں۔
سولر پینل ڈیلرزکا کہنا ہے کہ سولر پلیٹس کی قیمتوں میں مزید کمی کی امید کی جارہی ہے ۔
پاکستان
سوشل میڈیا کو غلط استعمال کرنے سے روکنے کیلئے عالمی سطح پر اقدامات کی ضرورت ہے ، عطا تارڑ
عطاء اللہ تارڑ سے پاکستان کے دورہ پر آئے بنگلہ دیشی صحافیوں کے وفد کی ملاقات ہوئی جس میں پاکستان میں آزادی اظہار رائے اور حکومت کے معاشی اقدامات سمیت مختلف اہم امور پر تبادلہ خیال کیا گیا
اسلام آباد : عطاء اللہ تارڑ سے پاکستان کے دورہ پر آئے بنگلہ دیشی صحافیوں کے وفد کی ملاقات ہوئی جس میں پاکستان میں آزادی اظہار رائے اور حکومت کے معاشی اقدامات سمیت مختلف اہم امور پر تبادلہ خیال کیا گیا۔
وزیر اطلاعات و نشریات عطاء اللہ تارڑ نے جعلی خبروں کے پھیلائو اور سوشل میڈیا کے غلط استعمال کو روکنے کیلئے عالمی سطح پر اقدامات کی ضرورت پر زور دیا ہے۔
اسلام آباد میں دورے پر آئے ہوئے بنگلہ دیشی صحافیوں کے وفد سے بات کرتے ہوئے انہوں نے کہا کہ حکومت آزادی صحافت اور اظہارِ رائے کی اہمیت تسلیم کرتی ہے اور صحافیوں کے حقوق کیلئے پرُعزم ہے۔
بنگلہ دیشی صحافیوں کے وفد نے ایسے دوروں کی اہمیت پر زور دیتے ہوئے کہا کہ ان سے عوام کے روابط اوردونوں ملکوں کے تعلقات میں بہتری آئے گی۔
-
تجارت ایک دن پہلے
ڈالر کی قیمت میں معمولی اضافہ
-
علاقائی 3 گھنٹے پہلے
پنجاب میں بیچلرز آف ڈینٹل سرجری فائنل پروفیشنل کےنتائج کا اعلان
-
جرم 2 دن پہلے
پاکستان بار کونسل کا ایک روزہ ہڑتال کا اعلان
-
تجارت 8 گھنٹے پہلے
ملک میں سونے کی قیمت میں بڑااضافہ
-
علاقائی 6 گھنٹے پہلے
پنجاب اسمبلی میں مخصوص ارکان کی رکنیت معطل
-
تجارت 5 گھنٹے پہلے
سو لر پینلز کی قیمتوں میں مزید کمی کر دی گئی
-
پاکستان ایک گھنٹہ پہلے
محکمہ موسمیات نے درجہ حرارت بڑھنے کے ساتھ ساتھ بارشوں کی خوشخبری دے دی
-
پاکستان 2 دن پہلے
9 مئی کا فالس فلیگ آپریشن پہلے سے طے شدہ تھا،عمران خان