بانی چیئرمین پی ٹی آئی کاانتخابات میں دھاندلی کے خلاف سپریم کورٹ سے رجوع

بانی چیئرمین پی ٹی آئی عمران خان نے انتخابات میں مبینہ دھاندلی اور نتاٸج کے خلاف سپریم کورٹ سے رجوع کرلیا، دھاندلی کے خلاف سپریم کورٹ سے جوڈیشل کمیشن بناکر تحقیقات کی استدعا کردی۔

بانی چیئرمین نے انتخابی دھاندلی کے خلاف درخواست سینئر وکیل حامد خان کے ذریعے سپریم کورٹ میں درخواست دائر کی۔ درخواست میں وفاق، الیکشن کمیشن، مسلم لیگ ن، پیپلز پارٹی اور ایم کیو ایم کو فریق بنایا گیا۔

درخواست گزار نے استدعا کی کہ 8 فروری کےالیکشن میں جیتنے والوں کو فراڈ سے ہرانے کی تحقیقات کی جائیں، کوئی کوئی تعصب نہ رکھنے والے سپریم کورٹ ججز پر مشتمل جوڈیشل کمیشن بنایا جائے۔

درخواست میں کہا گیا کہ وفاق اور پنجاب میں حکومتوں کی تشکیل کو معطل کیا جائے، جوڈیشل کمیشن عام انتخابات کا آڈٹ اور اس کے بعد ہونے والی نتائج کا آڈٹ کرتے ہوے اس کی رپورٹ کو پبلک کیا جائے۔