علامہ اقبال اوپن یونیورسٹی ، شعبہ اردو کا رمضان المبارک کی مناسبت سے نعتیہ مشاعرہ

اسلام آباد: علامہ اقبال اوپن یونیورسٹی کے شعبہ اردو نے رمضان المبارک کی مناسبت سے ایک روح پرور نعتیہ مشاعرے کا انعقاد کیا۔

اِس بابرکت محفل کی صدارت معروف اہل قلم و شاعر حلیم قریشی نے کی جبکہ اردو کے نامور غزل گو شاعرطارق نعیم مہمان خصوصی تھے۔ فیکلٹی آف سوشل سائنسز اینڈ ہیومینیٹیز کے ڈین پروفیسر ڈاکٹر عبدالعزیز ساحر نے میزبانی جبکہ نظامت کے فرائض ڈاکٹر قاسم یعقوب نے کی۔

محفل میں سید ضیا الدین نعیم، اختر عثمان، عرش ہاشمی، جنید آزر، کاشف عرفان، جنید نسیم سیٹھی اور ڈاکٹر ارشاد محمود ناشاد و دیگر نے سرور کونینﷺ کے حضور ہدیہ عقیدت پیش کیا۔

استقبالیہ کلمات ادا کرتے ہوئے ڈاکٹر عبدالعزیز ساحر نے کہا کہ اس بابرکت محفل میں ملک کے معروف شعرا کی شرکت ہمارے لئے عزت کا مقام اوررمضان المبارک میں نعتیہ مشاعرے کا انعقاد ہمارے اور ادارے کے لئے باعث سعاوت ہے۔

ڈاکٹر رشاد محمود ناشاد نے تقریب کے انعقاد میں سپورٹ اور سرپرستی فراہم کرنے پر وائس چانسلر پروفیسر ڈاکٹر ناصر محمود کا شکریہ ادا کیا۔