وزیر پیٹرولیم کی امریکی سفیر سے ملاقات

امریکی سفیر ڈونلڈ بلوم نے جمعہ کے روز اسلام آباد میں وزیرپیٹرولیم ڈاکٹر مصدق ملک سے ملاقات کی۔

امریکی سفیر نے مصدق ملک کو عہدہ سنبھالنے پرمبارک باد دپیش کی اورپاکستان کے توانائی کے شعبے میں بہتری کی امید کا اظہارکیا ۔

انہوں نے ٹیکنالوجی کی منتقلی ، سرمایہ کاری مواقع، توانائی اور علاقائی منصوبوں سمیت مختلف شعبوں میں تعاون کے فروغ پرتبادلہ خیال کیا ۔انہوں نے ماحول دوست اور قابل تجدید توانائی کے ذرائع کے فروغ پر بھی گفتگو کی ۔

واضح رہے کہ وزیرپیٹرولیم نے کہا دونوں ممالک مل کر مشترکہ توانائی مقاصد کے حصول پرکام کرسکتے ہیں۔