ریکوڈک بلو چستان کی محرومیان دور کرنے والا منصوبہ ثابت ہو گا ،وزیر اعظم

وزیراعظم محمد شہبازشریف نے کہا ہے کہ ریکوڈک بلوچستان کی ترقی اور علاقے کی قسمت بدل دینے والا منصوبہ ثابت ہوگا ۔

آج اسلام آباد میں بیرک گولڈ کے چیف ایگزیکٹو مارک برسٹو کی قیادت میں وفد سے گفتگو کرتے ہوئے انہوں نے کہا منصوبے سے صوبے کے عوام ترقی اور خوشحالی کے نئے دور میں داخل ہوںگے۔

انہوں نے بیرک گولڈ کو بلوچستان کے دیگر معدنی منصوبوں میں بھی سرمایہ کاری کی دعوت دی انہوں نے چاغی میں ٹیکنیکل یونیورسٹی کے قیام کیلئے حکومت اور بیرک گولڈ کے درمیان مشترکہ منصوبے کی بھی تجویز پیش کی ۔

وزیراعظم نے کہا بلوچستان کے معدنی ذخائر سے بھرپور استفادے کیلئے مواصلاتی ڈھانچہ خصوصاً ریلوے لائنز کیلئے منصوبے وضع کیئے جائیں گے۔

شہبازشریف نے کہا حکومت سرمایہ کاروں کی سہولت کیلئے بہترین سڑکوں اور مواصلاتی ڈھانچے کے منصوبوں سمیت ہرممکن اقدام کررہی ہے ۔ریکوڈک منصوبے پروزیراعظم کو تفصیلات سے آگاہ کرتے ہوئے وفد نے بتایا کہ منصوبے کے قابل عمل ہونے کی رپورٹ رواں سال کے آخر تک مکمل کرلی جائے گی۔