بین الاقوامی ادارے پاکستان کو بحران سے نکالنے میں مدد کریں ،وزیر خارجہ

وزیر خارجہ محمد اسحاق ڈار نے بین الاقوامی اداروں سے درخواست کی ہے  کہ وہ پاکستان کو توانائی کے بحران سے نمٹنے میں مدد دینے کے لئے تعاون کریں۔لندن میں ایک نیوز کانفرنس سے خطاب کرتے ہوئے انہوں نے کہا کہ پاکستان کو معاشی ترقی کی شاہراہ پر گامزن کرنے اور عام آدمی کی معاشی مشکلات کم کرنے کے بارے میں مہنگائی میں کمی لانے کے لئے حکومت پانچ سالہ لائحہ عمل پر عملدرآمد کرے گی۔

ایک سوال کے جواب میں اسحق ڈار نے کہا کہ پاکستان پرامن ہمسائیگی پر یقین رکھتا ہے اور خطے میں امن کا خواہاں ہے۔انہوں نے کہا کہ پاکستان اور افغانستان کے درمیان مستحکم دوطرفہ تعلقات اور باہمی مشاورت سے آگے بڑھنا وقت کی ضرورت ہے۔

انہوں نے کہا کہ پاکستان 1960 کی دہائی سے جوہری توانائی کا ویژن رکھتا ہے اور عالمی برادری کی جانب سے تمام تر دباؤ کے باوجود اس نے جوہری توانائی سے استفادہ کرنے کی پالیسی جاری رکھی۔

یاد رہے کہ وزیر خارجہ اسحا ق ڈار نے کہا کہ انہوں نے بین الاقوامی مالیاتی اداروں اور کثیرالجہتی اداروں سے بھرپور مالیاتی تعاون فراہم کرنے کی اپیل کی ہے۔