ایس آئی ایف سی کے تحت برازیل سے اعلی نسل کےمویشیوں کی پہلی کھیپ پاکستان پہنچ گئی

خصوصی سرمایہ کاری کونسل کے تحت برازیل سے درآمد کردہ زیادہ پیداواری مویشیوں کی پہلی کھیپ پاکستان پہنچ گئی ہے۔

یہ عمل کونسل کے تحت قائم سرسبز پاکستان لائیو سٹاک انیشیٹو کی بہتری میں کردار ادا کرے گا۔

بہترین پیداواری خصوصیات کے حامل یہ مویشی مقامی کسانوں کو فراہم کئے جائیں گے تاکہ اُن کی گوشت اور دودھ کی ضروریات پوری کی جا سکیں۔

نو نسلوں کے ان درآمد شدہ مویشیوں میں مقامی پاکستانی اور برازیل کی نسلیں شامل ہیں۔

یہ مویشی سیالکوٹ سے اوکاڑہ لے جائے گئے ہیں جہاں دو ہفتے تک انہیں علیحدہ رکھا جائے گا۔