شام : کار بم دھماکہ ہونے سے 8 افراد ہلاک

آج (اتوار) شام کے شمالی شہر ازاز AZAZ میں کار بم دھماکے میں آٹھ افراد ہلاک جبکہ تئیس زخمی ہوگئے۔شام میں انسانی حقوق کی تنظیم کی جانب سے جاری ایک بیان میںکہا گیا ہے کہ کار بم دھماکہ شہر کی ایک معروف مارکیٹ میں ہوا۔

بی بی سی کے مطابق شام میں کام کرنے والے رضاکارانہ امدادی گروپ وائٹ ہیلمٹس نے میڈیا کو بتایا کہ عزاز کے مرکزی بازار میں جب بم پھٹا تو خریدار عید الفطر سے پہلے اپنے بچوں کے لیے نئے کپڑے خریدنے میں مصروف تھے۔

انہوں نے بتایا کہ مقامی ریسکیو اداروں نے ہلاک اور زخمی ہونے والوں کو قریبی ہسپتالوں میں منتقل کردیا ہے۔