مودی حکومت نے مقبوضہ کشمیر کو جیل میں تبدیل کر دیا ، کشمیری ماہرین

کشمیری سیاسی ماہرین نے کہا ہے کہ مودی حکومت نے مقبوضہ جموں و کشمیر کو ایک کھلی جیل میں تبدیل کر دیا ہے۔

انہوں نے سرینگر میں اپنے الگ الگ انٹرویوز میں کہا کہ مقبوضہ جموں و کشمیر میں دس لاکھ سے زائد کی تعداد میں موجود بھارتی فوج نے پہلے ہی کشمیریوں کی زندگی جہنم بنا رکھی ہے۔

انہوں نے کہا کہ فسطائی بی جے پی حکومت نے مقبوضہ علاقے میں ظلم و ستم کے تمام ریکارڈ توڑ دیئے ہیں اور ان کی حالیہ تاریخ میں کوئی مثال نہیں ملتی۔

انہوں نے کہا کہ مظلوم کشمیری مدد کیلئے عالمی برادری کی طرف دیکھ رہے ہیں۔