عالمی مقابلہ حسن قرات میں ننھے پاکستانی قاری حافظ محمد ابو بکر کی پہلی پوزیشن

عراق میں عالمی مقابلہ حسن قرات میں ننھے پاکستانی قاری حافظ محمد ابو بکر نے پہلی پوزیشن حاصل کی ہے۔

مقابلہ حسن قرات جیتنے کے بعد سوشل میڈیا پر محمد ابوبکر اور ان کی تلاوت کی ویڈیو وائرل ہورہی ہے، صارفین ننھے بچے کی عمدہ تلاوت کو سراہ رہے ہیں۔

ایران کے عالمی مقابلہ حسن قرات میں پاکستان کے حافظ "محمد ابوبکر" نے پہلی پوزیشن حاصل کرلی۔❤️ pic.twitter.com/6e3VY1fP7Q

— Sajid usmani (@SajidFb) March 28, 2024

اس مقابلے میں 21 ممالک سے تعلق رکھنے والے بچوں نے حصہ لیا تھا، یہ مقابلہ کئی راؤنڈ پر مشتمل تھا، بڑوں اور بچوں کی الگ الگ ٹیموں کے درمیان سیمی فائنل اور فائنل کا مقابلہ ہوا۔

بچوں کے مقابلے میں محمد ابو بکر نے پہلی پوزیشن حاصل کی، جبکہ دوسری پوزیشن عراق کے قاری اور تیسری پوزیشن ایران کے قاری نے حاصل کی۔

فاتحین کو اعزازی شیلڈز کے ساتھ ساتھ نقد انعامات سے بھی نوازا گیا۔