دس نو منتخب اراکین قومی اسمبلی نے اپنے عہدوں کا حلف لے لیا

اسلام آباد: قومی اسمبلی کا اجلاس آج سہ پہر پارلیمنٹ ہاؤس اسلام آباد میں سپیکر سردار ایاز صادق کی صدارت میں شروع ہوا۔

دس نو منتخب اراکین قومی اسمبلی نے اپنے عہدوں کا حلف اٹھا لیا ، سپیکر قومی اسمبلی سردار ایاز صادق نے ان سے حلف لیا۔

ایوان نے چین کے عوام کے ساتھ اظہار یکجہتی کے لیے داسو دہشت گرد حملے میں پانچ چینی شہریوں کی ہلاکت پر ایک منٹ کی خاموشی بھی اختیار کی۔

اس کے علاوہ ملک کے دفاع میں اپنی جانوں کا نذرانہ پیش کرنے والے سیکیورٹی اور قانون نافذ کرنے والے اداروں کے اہلکاروں سمیت مختلف افراد کی روح کے ایصال ثواب کے لیے فاتحہ خوانی کی گئی۔