الیکشن کمیشن نے خیبرپختونخوا میں سینیٹ انتخابات ملتوی کر دیئے

الیکشن کمیشن نے خیبرپختونخوا میں سینیٹ انتخابات ملتوی کر دیئے۔

صوبائی الیکشن کمیشن شمشاد خان نے الیکشن ملتوی کرنے کا اعلان کیا، الیکشن کمیشن کے عملے نے اسمبلی ہال سے پولنگ کا سامان بھی اٹھا لیا۔

انتخابات ملتوی کروانے کی درخواست اپوزیشن کے احمد کریم کنڈی نے صوبائی الیکشن کمشنر کے پاس جمع کرائی جس میں مؤقف اختیار کیا گیا کہ ہمارے 25 ارکان سے ابھی تک حلف نہیں لیا گیا، الیکشن ملتوی کیا جائے۔

واضح رہے کہ خیبر پختونخوا اسمبلی میں اپوزیشن ممبران نے سینیٹ انتخابات کے لئے ووٹنگ نہ ہونے پر ریٹرننگ آفیسر کے پاس درخواست جمع کرائی تھی جس میں کہا گیا کہ ہمارے 25 ارکان سے ابھی تک حلف نہیں لیا گیا، سینیٹ الیکشن ملتوی کیا جائے۔

سینیٹ الیکشن میں پولنگ کا وقت شروع ہونے سے قبل ریٹرننگ آفیسر سمیت الیکشن کمیشن کا دیگر عملہ خیبرپختونخوا اسمبلی ہال میں پہنچا لیکن پولنگ کا وقت شروع ہونے کے باوجود ووٹنگ شروع نہ ہوسکی۔

اس موقع پر اپوزیشن ممبران نے ریٹرننگ آفیسر کے پاس درخواست جمع کرواتے ہوئے مؤقف اپنایا کہ مخصوص نشستوں پر ممبران سے حلف نہیں لیا گیا۔