ملک میں دالوں کی قیمت میں مارچ کے دوران عمومی کمی کارحجان

اسلام آباد: ملک میں دالوں کی قیمت میں مارچ کے دوران عمومی کمی کا رحجان دیکھنے میں آیا ہے۔

پاکستان کے ادارہ برائے شماریات کی جانب سے جاری کی گئی ماہانہ رپورٹ کے مطابق مارچ میں دال مسور کی فی کلواوسط قیمت 333.59 روپے ریکارڈ کی گئی جوفروری کے مقابلہ میں 0.96 فیصد کم ہے، فروری میں دال مسور کی فی کلو اوسط قیمت 336.83 روپے ریکارڈ کی گئی تھی۔

اسی طرح مارچ میں دال ماش کی فی کلواوسط قیمت 540.03 روپے ریکارڈ کی گئی جو فروری کے مقابلے میں 1.30 فیصدکم اورگزشتہ سال مارچ کے مقابلہ میں 28 فیصد زیادہ ہے، فروری میں ملک میں فی کلو دال ماش کی قیمت 547.13 روپے اور گزشتہ سال مارچ میں 419.13 روپے تھی۔

اعدادو شمار کے مطابق مارچ میں دال چنا کی فی کلو اوسط قیمت 259.56 روپے ریکارڈ کی گئی جو فروری کے مقابلہ میں 0.32 روپے کم ہے ، فروری میں ملک میں دال چنا کی فی کلو قیمت 260.39 روپے ریکارڈ کی گئی تھی۔