ملک بھر میں فی تولہ سونے کی قیمت میں مسلسل دوسرے روز بھی بڑا اضافہ

ملک بھر میں فی تولہ سونے کی قیمت میں مسلسل دوسرے روز بھی بڑا اضافہ، 2200 روپے اضافے سے سونے کی فی تولہ قیمت 2 لاکھ 51 ہزار 900 روپے کی ریکارڈ سطح پر پہنچ گئی۔

 10 گرام سونا 1867 روپے مہنگا ہو کر 2 لاکھ 15 ہزار 964 روپے میں فروخت ہوا۔

سونےکی عالمی قیمت21 ڈالر بڑھ کر 2412 ڈالر فی اونس ہوگئی۔

واضح رہے کہ گزشتہ روز بھی سونے کی فی تولہ قیمت 2400 روپے کے اضافے کے بعد 2 لاکھ 49 ہزار 700  روپے کی نئی بلند ترین سطح پر پہنچ گئی تھی۔

9 اپریل کو سونے کی فی تولہ قیمت 247,600 روپے کی ریکارڈ سطح پر پہنچ گئی، اسی طرح 10 گرام سونے کی قیمت 1629 روپے اضافے سے 212,277 روپے ہوگئی۔

جبکہ 6 اپریل کو ملک بھر میں سونے کی فی تولہ قیمت 4900 روپے کے زبردست اضافے کے بعد 245,100 روپے کی بلند ترین سطح پر پہنچ گئی تھی۔

قابل ذکر بات یہ ہے کہ 10 مئی 2023 کو فی تولہ اور 10 گرام سونے کی قیمت بالترتیب 240,000 روپے اور 205,761 روپے کی بلند ترین سطح پر پہنچ گئی۔