روس :ایک اور سینئر فوجی افسر کرپشن کے الزام میں گرفتار

روس کے ایک اور سینئر فوجی افسر میجر جنرل ایوان پوپوف کو کرپشن کے الزام میں گرفتار کرلیا گیا۔

روسی میڈیا کے مطابق 58 ویں کمبائنڈ آرمز آرمی کے میجر جنرل ایوان پوپوف کو کرپشن اور دھوکہ دہی کے الزام میں گرفتار کرلیا گیا ہے۔

پچھلے چند ہفتوں میں روس کے نائب وزیر دفاع تیمور ایوانوف، وزارت دفاع میں پرسنل محکمہ کے سربراہ یوری کزنیتسوف بھی گرفتار کیے جاچکے ہیں۔

گرفتار دونوں شخصیات پر بڑے پیمانے پر رشوت لینے کے الزامات عائد کیے گئے ہیں۔