رؤف حسن پر حملے کا مقدمہ نامعلوم خواجہ سرائوں کیخلاف درج

تحریک انصاف کے سیکریٹری اطلاعات رؤف حسن پر حملے کا مقدمہ اسلام آباد میں تھانہ آبپارہ میں درج کر لیا گیا۔

ایف آئی آر نامعلوم خواجہ سراؤں کے خلاف درج کی گئی ہے۔ درج مقدمے میں اقدام قتل، جان سے مارنے کی دھمکیوں سمیت دیگر الزامات شامل ہیں۔

ایف آئی آر کے متن کے مطابق ٹی وی پروگرام میں شرکت کے بعد پارکنگ کی طرف جا رہا تھا کہ حملہ ہوا، بظاہر خواجہ سرا نظر آنے والے شخص نے مجھے روک کر حملہ کیا۔

انہوں نے بتایا کہ اسی دوران مزید 3 خواجہ سرا جیسے افراد آ گئے اور جان لیوا حملہ کیا، جان سے مارنے کے لیے تیز دھار آلے سے میری گردن کاٹنے کی کوشش کی گئی، میں خود کو بچانے کے لیے پیچھے ہٹا تو میرے چہرے پر تیز دھار آلے سے کٹ لگا۔

انہوں نے ایف آئی آر میں کہا کہ 2 روز قبل بلیو ایریا میں بھی ایسے ہی حملے کی کوشش ہوئی تھی۔

یاد رہے کہ گزشتہ روز رؤف حسن پر خواجہ سراؤں نے بلیڈ سے حملہ کیا تھا جس میں ان کا چہرہ زخمی ہو گیا تھا۔